Амчыбжь аҩныҵҟа аҳҭнықалақь ашколқәеи ахәыҷбаҳчақәеи зегьы рҿы имҩаҧыслоит еиуеиҧшым аусмҩаҧгатәқәа, аанацҳауеит Аҵара Аусбарҭа.

Аԥсуа бызшәа – кавказтәи абызшәатә ҭаацәара иалоу мраҭашәара-кавказтәи (аԥсуа-адыга) абызшәатә гәыԥ ахь иаҵанакуеит. Зегь реиҳа иазааигәоу бызшәоуп абаза бызшәа, аԥсшәеи абаза бызшәеи иргәыцхәу бызшәақәоуп иара убас адыга бызшәа, аҟабарда-черқьес бызшәа, нас аубых бызшәа (иахьазы иԥсхьоу).

«Аԥсуа бызшәа адунеиаҿы зегь реиҳа ижәытәӡоу, ҳаамҭанӡа еиқәхаз архаикатә бызшәақәа ируакуп. Шәалаҽхәала, шәалацәажәала шәхатәы бызшәа! Ҳабызшәа-ҳҿахәҳәагоуп!» - аҳәоит Аҵара Аусбарҭа апресс-релиз аҿы. 

Аҧсуа бызшәа амчыбжь аусмҩаҧгатәқәа ирыцҵо Аҟәатәи абжьаратә школқәа рҟны имҩаҧган ажәеинраалақәа рконкурс.